Махсус операция зонаһындағы рәсәй яугирҙәренә ярҙам итеү маҡсатында берләшкән ирекмәндәрҙең йылы һәм илһамландырғыс слеты үтте

1 декабрҙә Әбйәлил районының Матур Целинный ауылында махсус операция зонаһындағы рәсәй яугирҙәренә ярҙам итеү маҡсатында берләшкән ирекмәндәрҙең йылы һәм илһамландырғыс слеты үтте. Шәфҡәтлелек һәм эш итергә әҙерлек менән тулы йөрәктәр тәжрибә, белем һәм, әлбиттә, күңел йылыһы менән уртаҡлашыу өсөн бергә йыйыла. Был күңел сараһында дөйөм эшкә баһалап бөткөһөҙ өлөш индергән “Ағинәйҙәр” ҡатын-ҡыҙҙар төркөмө һәм 6-сы китапхана-филиал мөдире ҡатнашты.
Иғтибар үҙәгендә маскировка селтәрҙәрен үреү буйынса оҫталыҡ дәрестәре-һалдат ғүмерен һаҡлап ҡала алған тырыш, әммә мөһим хеҙмәт тора. Тәжрибәле оҫталар серҙәрен йомарт бүлешә, оҫталыҡтарын яңыларға тапшыра.
Яугирҙарҙың көнкүреш ихтыяждарын тикшереү ҙә мөһим була. Волонтерҙар инновацион эшләнмә – ҡоро душ, ялан шарттарында алмаштырғыһыҙ әйбер тәҡдим итте, шулай уҡ һаулыҡты нығытыусы һәм һуғыш рухын күтәреүсе шифалы үлән сәйҙәре әҙерләү серҙәре менән уртаҡлашты.
Әммә ярҙам бының менән генә сикләнмәй. Ирекмәндәрҙең хәстәрлекле ҡулдары уңайлы йоҡо өсөн йылы матрастар һәм ҡаты шарттарҙа йылытыусы окоп шәмдәре эшләй.
Целинный ауылындағы осрашыу халыҡтың берҙәмлегенең, хәҙер Ватанды һаҡлаусыларға ярҙам итеү ынтылышының сағыу миҫалы булып тора. Был кәрәкле әйберҙәрҙе тапшырыу ғына түгел, ул тәү сиратта кешелек, хәстәрлек һәм еңеүгә ышаныу сағылышы.