“Илһам ҡанаттары”

Тыуған яҡты өйрәнеү модель китапханаһы серле бер донъяға күмелде. Сөнки,19 мартта, шиғри күңелле дуҫтарыбыҙ Бөтә донъя шиғриәт көнөнә арналған “Илһам ҡанаттары” кисәһенә йыйлды . Кисәлә Сибай яҙыусылар берекмәһе ағзалары Ф. Сәйфуллин, Х. Һөйөндөков, Н. Һаҡмаров, Ф. Сирбаев, Ә. Уйылданова, Ф. Привалова, М. Хәсәнова, Л. Ғәббәсова, Р. Хазеева үҙҙәренең шиғри күстәнәстәренән ауыҙ иттерҙеләр.“Йәнгүҙәй” халыҡ – фольклор ансамбле ағзалары (З. Хәсәнова, М.Фәйзуллина, М. Ишбулатова, З. Асылбаева) һәм “Яугүл” халыҡ – фольклор ансамбле ағзаһыЭ. Юламанова билдәле яҙыусыларыбыҙҙың шиғырҙарын яттан һөйләнеләр. Бәләкәс дуҫтарыбыҙ, “Ҡурай” балалар баҡсаһы тәрбиәләнеүселәренең (тәрбиәсеһе Гөлшат Зияй ҡыҙы Хасаева) сығыштарын залда ултырыусылар көслө алҡыштарға күмделәр. Ә медицина колледжы студенты А. Вәлитованы барыһы ла хайран ҡалып тыңланы. Сарала ҡатнашыусылар эске донъяларын байытып, рухи байлыҡ алып ҡайттылар.